စကားကိုအာရုံစိုက်နားထောင်ကြောင်းပြသသည့် စကားလုံးများ(あいづち)ကို လေ့ကျင့်ကြည့်ရအောင်
အကျဉ်းချုပ်
- ဘာတွေသိနိုင်မလဲ：တစ်ဖက်လူအား ယဉ်ကျေးသမှုဖြင့် စကားကိုအာရုံစိုက်နားထောင်ကြောင်းပြသပုံ နည်းလမ်းများကို သိနိုင်ပါတယ်။
- ဘယ်လိုလေ့လာမလဲ：အထူးအထွေနည်းလမ်းမရှိပါ။
- ဘာကိုသုံးပြီးလေ့လာမလဲ：အထူးအထွေမရှိပါ။
- ဘာတွေပြင်ဆင်ရမလဲ：အထူးအထွေမရှိပါ။
企画者：中川千惠子
စကားကိုအာရုံစိုက်နားထောင်ကြောင်းပြသပုံအမျိုးအစားများ
「はい」
ယဥ်ကျေးသောအသုံးအနှုန်းဖြစ်ပါတယ်။
＊သတိပြုရန်：၂ကြိမ်ထပ်၍ပြောမိပါက တစ်ဖက်သူ၏စကားကို နားမထောင်ချင်သော အဓိပ္ပာယ်သက်ရောက်တတ်ပါတယ်။
「うん」
နှင့် အဓိပ္ပာယ်တူပြီး သူငယ်ချင်းနင့်ပြောရာတွင် သုံးပါတယ်။
「はあ？」
သံသယဖြစ်သော စိတ်ကိုဖော်ပြရာတွင်အသုံးပြုပါတယ်။
＊သတိပြုရန်：ရန်လိုသော၊ ပြန်ခံပြောလိုသော အပြုအမူမျိုးဖြစ်တတ်ပါတယ်။
うなずく（ခေါင်းငြိမ့်ခြင်း）
ခေါင်းငြိမ့်ပြီး ပြောနေတာကို သဘောတူကြောင်း၊ နားလည်ကြောင်း၊ ဂရုစိုက်နားထောင်နေကြောင်းကို ဖော်ပြသော အမူအရာဖြစ်ပါတယ်။
「ええ」
「ええ↘」သည်「はい」နှင့် အဓိပ္ပာယ်အတူတူဖြစ်ပါတယ်။「ええ↗」ကိုတော့ အံ့သြထိတ်လန့်တဲ့အခါတွင် ပြောဆိုပါတယ်။
「へえ」
「へえ→」သည် စိတ်ဝင်စားမှုရှိသောအခါ၊ ဂရုတစိုက်နားထောင်သောအခါတွင် အသုံးပြုပါတယ်။
「ほんとう」
「ほんとう↘」သည် တစ်ဖက်သူပြောသည်ကို သဘောတူကြောင်း ပြသသည့်အခါတွင် အသုံးပြုပါတယ်။
အသံအနိမ့်အမြင့်ပေါ်လိုက်ပြီး ကွဲပြားခြားနားသော စိတ်ခံစားချက်ကို ဖော်ပြနိုင်သော အခြားစကားလုံးများလည်း ရှိပါသေးတယ်။
「そうですか」
「そうですか↘」သည် နားလည်ပါပြီ၊ သိပါပြီဟူသော အဓိပ္ပာယ်ဆောင်ပါတယ်။
「そうですか↗」သည် အမေးသဘောဆောင်ပါတယ်။
「そうですか→」သည် အကြောင်းအရာတစ်ခုနှင့်ပတ်သက်ပြီး စဉ်းစားနေဆဲဖြစ်ကြောင်း ဖော်ပြရာတွင် သုံးပါတယ်။
「そうですか↘↗」သည် အကြောင်းအရာတစ်ခုနှင့်ပတ်သက်ပြီး သံသယရှိနေကြောင်း စိတ်ခံစားချက်ကို ဖော်ပြပါတယ်။
အသေးစိတ်ကို အသံအနိမ့်အမြင့်(Intonation) အခန်းမှ 「そうですか」လေ့ကျင့်ခန်းတွင် ကြည့်ရှုနိုင်ပါတယ်။
「そうですね」
သဘောတူကြောင်းကို ဖော်ပြပါတယ်။
「なるほど」
အကြောင်းအရာတစ်ခုကို နားလည်သဘောပေါက်သွားသောအချိန်တွင် အသုံးပြုပါတယ်။
အထက်ပါ စကားလုံးများကို ဘယ်လိုအချိန်မျိုးမှာ အသုံးပြုရမလဲ
- စာကြောင်းအဆုံး
- စကားဆက်များ（「それから」「でも」စသဖြင့်）၏နောက်
- ဆက်စပ်ဝိဘတ်စကားလုံးများ（「～が」「～ので」「～から」စသဖြင့်）၏နောက်
＊あいづちစကားလုံးများကို တစ်ဖက်သူရဲ့ စကားအဆုံးတွင်သာ အသုံးပြုပါတယ်။
တစ်ဖက်သူရဲ့စကားမဆုံးခင် အသုံးပြုမိပါက၊ တစ်ဖက်သူအား စကားကို မြန်မြန်အဆုံးသတ်ပါ ဟုပြောနေသကဲ့သို့ ခံစားမိစေပါတယ်။