ိုယ်သိသောစကားလုံးများဖြင့် အသံကြာချိန်(mora)များကို လေ့ကျင့်ကြည့်ရအောင် ーစကားသံစဉ်ပုံစံများကို စဉ်းစားရင်း အသံထွက်သောလေ့ကျင့်ခန်းー

အကျဉ်းချုပ်

• ဘာတွေသိနိုင်မလဲ：စကားသံစဉ်ပုံစံကိုအသုံးပြုပြီး အသံကြာချိန်မိုရာ(mora) များကို ခံစားနားလည်နိုင်ပါမယ်။
• ဘယ်လိုလေ့လာရမလဲ：နားဖြင့် စကားသံစဉ်ပုံစံများကို စိတ်ထဲတွင်ပုံဖော်ရင်းလေ့ကျင့်ပါမယ်။
• ဘာကိုသုံးပြီးလေ့လာမလဲ：စာရွက်နှင့် ဘောပင်
• ဘာတွေလိုအပ်မလဲ：လေ့လာပြီးသော၊ သို့မဟုတ် လေ့လာဆဲစကားလုံးများ

လုပ်ဆောင်ပုံအဆင့်ဆင့်

၁. စကားလုံးများရဲ့ စကားသံစဉ်ပုံစံများကို စဉ်းစားကြည့်ပါ။ လေ့လာရလွယ်ကူစေရန် အသံများကို ta tan တို့ဖြင့် သင်္ကေတပြုဖော်ပြပါမယ်။

• ta （သံတို）：あ、か、きゃ・・
• tan（သံရှည်）：あっ、あー、あん、あい・・

*tan（သံရှည်） ဆိုသည်မှာ သံတိုတစ်ခုနှင့်ထူးခြားသောမိုရာ（special mora）တို့ပေါင်းစပ်ထားသောအစုအဖွဲ့၊ သို့မဟုတ် သရတွဲ（diphthong）များကိုဆိုလိုပါတယ်။

ရှင်းလင်းချက်

ထူးခြားသောမိုရာ（special mora）ဆိုသည်မှာ つ အသေး၊ အသံရှည်ဆွဲသံ（Long Vowel）၊ んအသံ တို့ကိုခေါ်ပါတယ်။ ထို့ကြောင့် သံတိုတစ်ခုနှင့် ထူးခြားသောမိုရာ（special mora）တို့ပေါင်းစပ်ထားသောအစုအဖွဲ့ဆိုသည်မှာ ဥပမာအားဖြင့် あっ（a＋っ）၊あー（a＋အသံရှည်ဆွဲ）၊あん（a＋ん）တို့ကိုဆိုလိုပါတယ်။

သရတွဲ（diphthong）ဆိုသည်မှာ သရသံနှစ်သံပါဝင်သောစကားသံကိုဆိုလိုပါတယ်။ ဥပမာအနေဖြင့် あい（a＋i）ကိုကြည့်နိုင်ပါတယ်။

• ビル：ta ta (အဆောက်အဦး)
• ビール：tan ta (ဘီယာ)
• きのう：ta tan (မနေ့က)

၂. သိရှိပြီးသား စကားလုံးများကို ပုံစံအုပ်စုခွဲကြည့်ပါ။

• tata အုပ်စု：ビル (အဆောက်အဦး)　とり (ငှက်)　ちず (မြေပုံ)
• tanta အုပ်စု：ビール (ဘီယာ)　とおり (လမ်းမကြီး)　チーズ (ချိစ်)
• tatan အုပ်စု：きのう (မနေ့က)　りょこう (ခရီး)　とけい (နာရီ)

၃. စကားသံစဉ်ပုံစံများအလိုက် အသံထွက်ကြည့်ပါ။

ပုံစံအုပ်စုတစ်ခု၏ဥပမာအနေဖြင့် စကားလုံးတစ်လုံးသာ သိသောအခါမျိုးတွင် ထိုစကားလုံးကို အနည်းဆုံး ၃ကြိမ်အထက် ထပ်ခါထပ်ခါကျော့၍ ရွတ်ဆိုကြည့်ပါ။
အသံထွက်လေ့ကျင့်ရာတွင် စကားလုံးတစ်လုံးနှင့် တစ်လုံးကြားတွင် ရပ်နားခြင်းမပြုဘဲ၊ သံစဉ်ကို ဂရုပြုပြီး လေ့ကျင့်ကြည့်ပါ။
အသံထွက်နိုင်သွားပါက၊ စကားလုံးများ၏နောက်တွင် ဝိဘတ်များ （＋は・が・を・にစသဖြင့်）ကိုတွဲ၍ လေ့ကျင့်ကြည့်ပါ။

အမျိုးမျိုးသော စကားသံစဉ်အုပ်စုများကို အသံထွက်လေ့ကျင့်ကြည့်ကြပါစို့။